ນະໂຍບາຍການຮັບປະກັນສິນຄ້າ

ຮ້ານ ລີນລີນ ເອົາໃຈໃສ່ ແລະ ໃຫ້ຄວາມສຳຄັນກັບຄຸນນະພາບຂອງສິນຄ້າທຸກຊິ້ນ ເພື່ອໃຫ້ລູກຄ້າໄດ້ຮັບປະສົບການການຊື້ເຄື່ອງທີ່ດີທີ່ສຸດ ເຮົາຈຶ່ງມີນະໂຍບາຍຮັບປະກັນສິນຄ້າດັ່ງນີ້:
1. ໄລຍະເວລາການຮັບປະກັນ
ສິນຄ້າປະເພດເຄື່ອງໃຊ້ໄຟຟ້າຮັບປະກັນເປັນເວລາ 30 ວັນ ໂດຍເລີ່ມນັບຕັ້ງແຕ່ວັນທີລູກຄ້າໄດ້ຮັບສິນຄ້າເປັນຕົ້ນໄປ (ຍົກເວັ້ນສີນຄ້າປະເພດເຄື່ອງສຳອາງ).
2. ເງື່ອນໄຂການປ່ຽນສິນຄ້າຄືນ
ລູກຄ້າສາມາດແຈ້ງປ່ຽນສິນຄ້າໃໝ່ໄດ້ ພາຍໃຕ້ເງື່ອນໄຂດັ່ງຕໍ່ໄປນີ້:
ສິນຄ້າມີບັນຫາດ້ານການໃຊ້ງານ, ເປ່ເພ, ຫຼື ຊຳລຸດເສຍຫາຍ ທີ່ເກີດຈາກຂະບວນການຜະລິດຂອງໂຮງງານ.
ສິນຄ້າທີ່ໄດ້ຮັບ ບໍ່ຖືກຕ້ອງຕາມຮູບແບບ, ສີ, ຫຼື ບໍ່ກົງກັບທີ່ສັ່ງຊື້ໃນເວັບໄຊ.
ສິນຄ້າ ແລະ ອຸປະກອນເສີມທຸກຢ່າງ (ລວມທັງກ່ອງບັນຈຸ) ຕ້ອງຢູ່ຄົບຖ້ວນ ແລະ ບໍ່ມີຮ່ອງຮອຍການຕົກເຮ່ຍ, ຖືກນ້ຳ, ຫຼື ນຳໄປໃຊ້ງານຜິດວິທີ.
3. ສິ່ງທີ່ບໍ່ຢູ່ພາຍໃຕ້ການຮັບປະກັນ
ຄວາມເສຍຫາຍທີ່ເກີດຈາກການນຳໃຊ້ຜິດວິທີ, ການດັດແປງ, ຫຼື ເຮັດຫຼຸດມື/ກະທົບແຮງໂດຍຕົວລູກຄ້າເອງ.
ການແຈ້ງບັນຫາຫຼັງຈາກກາຍກຳນົດ 30 ວັນ (ນັບຈາກມື້ຮັບສິນຄ້າ).
4. ຂັ້ນຕອນການສົ່ງເຄຼມ/ປ່ຽນສິນຄ້າ
ຕ້ອງມີວິດີໂອຕອນໄປຮັບສີນຄ້ານຳບໍລິສັດຂົນສົ່ງ ພ້ອມໃບບິນຮັບສີນຄ້າ.
ຖ່າຍຮູບພາບ ຫຼື ວິດີໂອຂອງສິນຄ້າຈຸດທີ່ມີບັນຫາ ພ້ອມໃບບິນຮັບເງິນ.
ຕິດຕໍ່ທີມງານບໍລິການລູກຄ້າຂອງ ຮ້ານ ລີນລີນ ຜ່ານທາງ ເບີໂທ:020 9797 9774 ຫລື Facebook: ຮ້ານແມ່ລີ ເຈົ້າຂອງແບຮນ
ຫຼັງຈາກທີມງານກວດສອບ ແລະ ຢືນຢັນແລ້ວ, ທ່ານສາມາດສົ່ງສິນຄ້າຄືນມາທາງຮ້ານ ແລະ ເຮົາຈະຈັດສົ່ງສິນຄ້າຊິ້ນໃໝ່ໄປໃຫ້ທ່ານທັນທີ.